Rusiyada şagird sinif rəhbərini bıçaqlayıb öldürdü

Rusiyanın Perm diyarında məktəbdə faciə olub. Milli.Az xəbər verir ki, Dobryanka şəhərində yerləşən 5 nömrəli məktəbdə rus dili və ədəbiyyatı müəllimi, direktor müavini Olesya Baquta yeniyetmənin hücumuna məruz qalıb. Hadisə məktəbin girişinə yaxın ərazidə baş verib. Belə ki, məktəbin 9-cu sinif şagirdi müəllimə bıçaqla hücum edib. Yaralı müəllim xəstəxanaya çatdırılsa da, onun həyatını xilas etmək mümkün olmayıb. Məlumata görə, hücumu törədən 17 yaşlı, 9-cu sinif şagirdi saxlanılıb. Hadisə ilə bağlı cinayət işi açılıb və istintaq davam edir. İlkin məlumatlara əsasən, hücum edən şagirdin akademik problemləri olub və onun imtahanlara buraxılıb-buraxılmayacağı məsələsi mübahisə mövzusu olub. Hadisənin bu səbəbdən baş verməsi ehtimal edilir. Hazırda hüquq-mühafizə orqanları və psixoloqlar məktəbdə şagirdlərlə işləyir, hadisənin bütün detalları araşdırılır. Fidan Milli.Az