Skandinaviya mətbəxinin ləzzətli şirniyyatı: Kladdkaka

İsveç mətbəxinə məxsus olan bu təam az un istifadə edilərək hazırlanan, xaricindən yüngülcə xırtıldayan, lakin içi qəsdən nəm və axıcı saxlanılan ənənəvi bir şokoladlı keksdir. Mətbəx ədəbiyyatında "yapışqan keks" mənasına gələn Kladdkaka, İsveçdə məşhur qəhvə fasilələrinin (Fika) imtinaedilməz ləzzətlərindəndir. Milli.Az xəbər verir ki, quruluşca Amerika braunisinə (brownie) bənzəsə də, tərkibində qabartma tozunun olmaması və sobada çox qısa müddət bişirilərək daxilinin axıcı/palçıqvari konsistensiyada qalması ilə ondan fərqlənir. Bu reseptin ən böyük üstünlüyü isə şokolad əritməklə uğraşmadan, sadəcə mikser belə istifadə etmədən tək bir qabda tez bir zamanda hazırlana bilməsidir. İnqrediyentlər: 150 q kərə yağı (əridilmiş və ilıq) 3 ədəd yumurta 1.5 su stəkanı şəkər tozu 1 su stəkanı un 5 xörək qaşığı keyfiyyətli kakao 1 paket vanil Bir çimdik duz Üzəri və servis üçün: 1 xörək qaşığı pudra şəkəri Çalınmış qaymaq (krema) və ya vanilli dondurma Hazırlanması: Açılıb-bağlanan və ya yumru bir keks qəlibinin daxilinə bişirmə kağızı sərin və kənarlarını yüngülcə yağlayın. Sobanı əvvəlcədən 175°C dərəcəyə (alt-üst rejimdə) tənzimləyib qızdırın. Kərə yağını kiçik bir qazanda əridib ocaqdan götürün və ilımasını gözləyin. Dərin bir qabda yumurtaları və şəkər tozunu əl çırpıcısı köməyi ilə sadəcə qarışana və yüngülcə hamarlaşana qədər çırpın. (Qeyd: Keksin özünəməxsus yapışqan konsistensiyasını itirməməsi üçün mikserlə çox çırpıb xəmiri qabartmamaq olduqca vacibdir). İlıq vəziyyətdə olan əridilmiş kərə yağını və vanili yumurtalı qarışığa əlavə edib əl çırpıcısı ilə qısa müddət qarışdırın. Unu, kakanu və bir çimdik duzu ələkdən keçirərək qaba əlavə edin. Spatula vasitəsilə bütün məhsullar tam qarışana qədər xəmiri xaricdən daxilə doğru zərif hərəkətlərlə alt-üst edin. Sonda olduqca qatı və tünd bir xəmir əldə edəcəksiniz. Hazırladığınız xəmiri qəlibə tökün və üzərini spatula ilə düzləşdirin. Əvvəlcədən qızdırılmış 175°C sobada təxminən 15-20 dəqiqə bişirin. Keksi sobadan çıxaranda kənarları sabitləşmiş, lakin ortasını tərpətdikdə yüngülcə jele kimi sallanan vəziyyətdə olmalıdır. Sobadan çıxan keksi otaq temperaturuna gələnə qədər qəlibində dincəldin. İlk istiliyi keçdikdən sonra üzərinə pudra şəkəri ələyin. Dilimləyərək yanında çalınmış sadə qaymaq və ya vanilli dondurma ilə servis edin. Nuş olsun! Lalə Qüdrətova Milli.Az