Skaloni mətbuat konfransını ağlayaraq tərk etdi — Video

Argentina millisinin baş məşqçisi Lionel Skaloni dünya çempionatının finalında İspaniyaya 0:1 hesabı ilə uduzduqları matçdan sonra mətbuat konfransını ağlayaraq tərk edib. “Qafqazinfo” xəbər verir ki, o, həlledici görüşdə qalib ola bilmədiklərinə görə hər kəsdən üzr istəyib. Skaloni bu cür komandanı bir də toplaya biləcəyi ilə bağlı danışarkən göz yaşlarını saxlaya bilməyib: “Argentina Futbol Federasiyasının prezidenti ilə danışacağam. Nə etmək istədiyim barədə müəyyən fikirlərim var. Müqaviləmin sonuna qədər qalacağam, amma hiss edirəm ki, bu qədər böyük bir işi yenidən görmək mümkün görünmür. Məni hazırda olduğum bu yerə gətirmək imkanı yaratdığı üçün federasiya prezidentinə minnətdaram. Bura hər kəs üçün xəyal edilən bir yer idi. Son ana qədər əlimizdən gələnin ən yaxşısını etməyə çalışdıq – həm məşqçilər heyəti, həm də futbolçular. Düşünürəm ki, indi özümə vaxt ayırıb hər şeyi sakit şəkildə düşünmək haqqım var. Davam etmək üçün çox şey lazımdır. Ən vacibi isə zehni olaraq yenilənmək, özünü toparlamaq və bu cür bir komandanı yenidən formalaşdırmaqdır. Belə bir qrupu yenidən yaratmaq çox çətindir. Bu, ruhumu incidir. Üzr istəyirəm. Dürüst olmalıyam və deməliyəm ki, gələcəyim barədə düşünmək üçün vaxta ehtiyacım var. Çünki əmin deyiləm ki, bu cür bir komandanı yenidən toplamaq mümkün olacaq. Bu, həqiqətən çox ağrılıdır. Çox üzgünəm. Üzr istəyirəm”.