Küveytdə ABŞ-nin səfirliyi və təyyarəsi vuruldu — Foto - Video

İran ABŞ-nin Küveytdəki səfirliyinə zərbə endirib. “Qafqazinfo” xəbər verir ki, bu barədə “Tasnim” agentliyi məlumat yayıb. Məlumatda səfirliyin atəşə tutulduğu və üzərində tüstü müşahidə edildiyi bildirilir. Bundan başqa, İran Küveyt ərazisində ABŞ-yə məxsus F-15 qırıcı təyyarəsini vurduğunu açıqlayıb. Yayımlanan görüntülərdə vurulan qırıcının yerə düşdüyü, təyyarənin iki pilotunun isə katapult etdiyi əks olunub. *** Küveytin Müdafiə Nazirliyi bir neçə ABŞ qırıcısının qəzaya uğradığını, lakin bütün ekipaj üzvlərinin sağ qaldığını açıqlayıb. Bu bəyanat Küveytdə ABŞ-yə məxsus bir qırıcı təyyarənin qəzaya uğramasını və pilotun paraşütlə yerə enməsini əks etdirən görüntülərin yayılmasından sonra səsləndirilib. ABŞ tərəfi xəbəri şərh etməyib.