Azərbaycan millisi Macarıstana uduzdu

Qadın futbolçulardan ibarət Azərbaycan yığması bu gün dünya çempionatının seçmə mərhələsi çərçivəsində növbəti oyununa çıxıb. Milli.Az xəbər verir ki, C Liqasının 3-cü qrupunda yer alan Siyasət Əsgərovun komandası Macarıstanla qarşılaşıb. Matç rəqib kollektivin 2:1 hesablı qələbəsi ilə yekunlaşıb. Qrupun digər matçında Andorra Şimali Makedoniyanı qəbul edəcək. Oyun Bakı vaxtı ilə saat 21:30-da start götürəcək. Azərbaycan millisi hazırda qrupda 9 xalla 2-ci, Macarıstan yığması isə 13 xalla 1-ci pillədə qərarlaşıb. Şimali Makedoniyanın 3, Andorranın 1 xalı var. 5 iyun Dünya çempionatının seçmə mərhələsi C Liqası, 3-cü qrup 18:00. Azərbaycan - Macarıstan - 1:2 Qollar: K.Əsədova, 74 // Çanyi, 12, V.Nagy, 85 Baş hakim: Vanya Yankoviç (Sloveniya) Mehdi Hüseynzadə adına Sumqayıt şəhər stadionu. Milli.Az