Taleh Yüzbəyov susqunluğunu pozdu: "Siz ali cins deyilsiniz"

Aktyor Taleh Yüzbəyov rol aldığı reklam çarxında qadınların plastik əməliyyatlarının tənqid olunması ilə bağlı yaranan müzakirələrə münasibət bildirib. Milli.Az axşam.az-a istinadən bildirir ki, aktyor instaqram hesabında paylaşdığı açıqlamada qadınların da kişilər kimi tənqid oluna biləcəyini vurğulayıb: "Əziz xanımlar, siz ali cins deyilsiniz. Mövcud iki bioloji cinsdən birisiniz. Ona görə kişilər kimi sizi də tənqid etmək mümkündür və normaldır". Yüzbəyov estetik əməliyyatın şəxsi seçim olduğunu, bu estetik görünüşü bəyənib-bəyənməməyin də hər kəsin fərdi fikri sayıldığını qeyd edib: "Estetik əməliyyat kimlərinsə seçimidir. Estetik gözəlliyi bəyənib-bəyənməmək də başqalarının seçimidir. Buna görə belə kütləvi isterika yaşamayın". Müəllif: Tural Hüseyn (Milli.Az redaktor)