"Arsenal" "derbi"də əlavə vaxtda məğlubiyyətdən xilas oldu

Londonun "Arsenal" klubu İngiltərə Premyer Liqasının 5-ci turunda "Mançester Siti" ilə oyunda son dəqiqələrdə xilasedici qola imza atıb. Milli.Az xəbər verir ki, "Emirates" stadionunda baş tutan görüş 1:1 hesabı ilə başa çatıb. Matçı baş hakim Stüart Atvell idarə edib. Oyunda hesabı erkən - 9-cu dəqiqədə Erlinq Holann açaraq "Mançester Siti"ni önə çıxarıb. Lakin 90+3-cü dəqiqədə Qabriel Martinelli "topçular"ı məğlubiyyətdən xilas edib. Bu nəticədən sonra "Mançester Siti" 7 xalla turnir cədvəlində 9-cu pillədə qərarlaşıb. "Arsenal" isə 10 xal toplayaraq ikinci yeri qoruyub. Növbəti turda "şəhərlilər" sentyabrın 27-də doğma meydanda "Byornli" ilə qarşılaşacaq. "Arsenal" isə bir gün sonra, sentyabrın 28-də səfərdə "Nyukasl Yunayted"in qonağı olacaq. Hüseyn Milli.Az