Mustafayev Overçukla görüşəcək

Azərbaycan Baş nazirinin müavini Şahin Mustafayev sentyabr ayında rusiyalı həmkarı Aleksey Overçukla görüşəcək. “Qafqazinfo” TASS-a istinadən xəbər verir ki, bu barədə məlumatı Azərbaycanın xarici işlər naziri Ceyhun Bayramov Moskvada Rusiyanın XİN başçısı Sergey Lavrovla görüşdən sonra keçirilən mətbuat konfransında açıqlayıb. “Müntəzəm təmasların zəruriliyi və mövcud mexanizmlər nəzərə alınmaqla, Baş nazir müavinləri arasında ilkin razılaşma əldə edilib və bir sıra istiqamətləri müzakirə etmək üçün cari ilin sentyabrında Mustafayev və Overçuk arasında görüş planlaşdırılır”, - Azərbaycan XİN rəhbəri bildirib.