"İspaniya bizdən daha üstün oynadı" - Messi

Argentina millisinin kapitanı Lionel Messi dünya çempionatının finalındakı məğlubiyyətdən sonra komandasının rəqibdən zəif çıxış etdiyini etiraf edib. Milli.Az xəbər verir ki, əfsanəvi futbolçu bildirib ki, finalda İspaniya daha üstün oyun nümayiş etdirib və qələbəyə layiq tərəf olub. Onun sözlərinə görə, məğlubiyyət böyük məyusluq yaratsa da, komanda nəticəni qəbul edir: "Kədərliyəm. Düzünü desəm, onlar daha yaxşı oynadılar". Messi qeyd edib ki, Argentina millisi sonadək bütün gücü ilə mübarizə aparsa da, bu dəfə istədiyi nəticəni əldə edə bilməyib. Xatırladaq ki, DÇ-2026-nın finalında İspaniya Argentinanı 1:0 hesabı ilə məğlub edərək dünya çempionu olub. Messi isə gümüş medalı qəbul edərkən göz yaşlarını saxlaya bilməyib. Müəllif: Nərmin Mahmudova (Milli.Az müxbir)