İrəvanda iqtidarla müxalifətin davası düşdü — Video

İrəvan Ağsaqqallar Şurasının bu gün keçirilən iclası zamanı dava düşüb. “Qafqazinfo” Ermənistan mətbuatına istinadən xəbər verir ki, iclas zamanı müxalif “Ana Ermənistan” blokunun fraksiyasının üzvləri hakim “Vətəndaş müqaviləsi” partiyasını seçkiqabağı pozuntularda ittiham ediblər. Buna cavabında İrəvanın vitse-meri Armen Pambuxçyan blokun lideri Andranik Tevanyanı dövlətə xəyanətdə ittiham edib və onun məhz bu səbəbdən həbs olunduğunu deyib. Nəticədə, tərəflər arasında yaranan mübahisə sonradan davaya çevrilib. İclas zalında başlayan mübahisə və dava dəhlizdə də davam edib. İrəvanın meri Tiqran Avinyan mübahisə iştirakçılarını ayırmağa çalışsa da, tərəflər buna məhəl qoymadan bir-birini təhqir etməkdə davam ediblər.