Evində 13,5 ton qızıl TAPDI - Edam cəzası verildi - VİDEO

Çində bələdiyyə sədrinin evindən çıxan qızıllarla bağlı iddialar yenidən gündəmdə Milli.Az xəbər verir ki, sosial şəbəkələrdə illər əvvəl yayılan və böyük rezonans doğuran görüntülər yenidən müzakirə mövzusuna çevrilib. İddialara görə, Çində yüksək vəzifəli bələdiyyə rəhbərlərindən birinin evində aparılan axtarış zamanı 13,5 ton qızıl aşkarlanıb. Həmin şəxsin rüşvət və korrupsiya ittihamları ilə istintaqa cəlb olunduğu bildirilir. Yayılan məlumatlarda məmurun qanunsuz yolla böyük sərvət topladığı, bununla bağlı aparılan araşdırmaların isə ölkədə geniş səs-küy yaratdığı qeyd olunur. Bəzi mənbələrdə onun barəsində ağır məhkəmə hökmünün çıxarıldığı da iddia edilir. Hadisə ilə əlaqədar yayılan görüntülərdə böyük həcmdə qızıl külçələrinin və digər qiymətli əşyaların nümayiş etdirildiyi görünür. Məhz bu kadrlar diqqəti yenidən cəlb edib. Sosial şəbəkələrdə mövzu ətrafında müxtəlif fikirlər səsləndirilib. Bir çox istifadəçi aşkarlanan sərvətin miqyasına təəccübləndiyini bildirərkən, digərləri yayılan məlumatların doğruluğunu müzakirə edib. Görüntülər və iddialar yenidən gündəmə gələrək internet məkanında geniş maraq doğurub. Musa Milli.Az