Rüfət Axundov "Lamborghini"sindən sonra "Volqa"sını nümayiş etdirdi - (Video)

Müğənni Rüfət Axundov bu dəfə sosial şəbəkədə paylaşdığı retro avtomobillə izləyicilərinin marağına səbəb olub. Milli.Az xəbər verir ki, tez-tez bahalı avtomobillərini nümayiş etdirən sənətçi bu dəfə klassik "Volqa" markalı avtomobili ilə görüntülər paylaşıb. Videoda ən çox diqqət çəkən məqamlardan biri isə avtomobilin dövlət qeydiyyat nişanı olub. Belə ki, maşının üzərində "90 RA 333" nömrəsi yer alıb. İzləyicilər nömrədəki "RA" hərflərinin sənətçinin ad və soyadının baş hərflərini əks etdirdiyini qeyd ediblər. Rüfət Axundovun paylaşdığı görüntülər qısa müddətdə sosial şəbəkələrdə geniş yayılıb və izləyicilər arasında maraqlı müzakirələrə səbəb olub. Müəllif: Tural Hüseyn (Milli.Az redaktor)