İstiridye qabıqları tarlalara tökülməyə başladı: Tullantıdan kənd təsərrüfatına

Dəniz məhsulları sektorunda tullantı hesab edilən istiridye (göbələkvari dəniz mollyusku) qabıqları artıq kənd təsərrüfatında tətbiq olunur. ABŞ-nin Virciniya və Merilend ştatlarında bəzi fermerlər və tədqiqatçılar üyüdülmüş qabıqları əkin sahələrinə səpərək torpağın məhsuldarlığını artırmağı hədəfləyirlər. Milli.Az xəbər verir ki, restoranlardan və dəniz məhsulları müəssisələrindən toplanan qabıqlar xüsusi obyektlərdə təmizlənib üyüdüldükdən sonra tarlalara dökülür. Ekspertlərin fikrincə, kalsium-karbonat ($CaCO_3$) baxımından zəngin olan bu qabıqlar, xüsusilə asidik (turşuluq dərəcəsi yüksək) torpaqların pH balansını yaxşılaşdırmağa kömək edir. Torpağın strukturunu gücləndirir Tədqiqatçılar üyüdülmüş istiridye qabıqlarının torpağın yalnız kimyəvi strukturuna deyil, həm də fiziki xüsusiyyətlərinə müsbət təsir göstərdiyini bildirirlər. Qabıqların təmin etdiyi faydalar bunlardır: Torpağın hava keçiriciliyini artırır. Bitkilərin kök sisteminin inkişafını dəstəkləyir. Bitkilərin qida maddələrinə çıxışını asanlaşdırır. Xüsusilə Çesapik körfəzi ətrafında həyata keçirilən təkrar emal layihələri sayəsində hər il tonlarla istiridye qabığı yenidən dəyərləndirilir. Bu isə həm tullantıların həcmini azaldır, həm də kənd təsərrüfatı üçün təbii resurs formalaşdırır. Tullantıdan ekoloji iqtisadiyyata Dəniz qabıqlarının kənd təsərrüfatında istifadəsi dayanıqlı istehsal yanaşmasının ən diqqətçəkən nümunələrindən birinə çevrilir. Zibilxanalara atılmaq əvəzinə yenidən iqtisadiyyata qazandırılan qabıqlar fermerlərə baha olmayan, aşağı xərcli və təbii bir torpaq tənzimləyicisi təqdim edir. Tədqiqatlar davam edərkən, bu metodun ABŞ-nin digər bölgələrində də sürətlə yayılmağa başladığı vurğulanır. Lalə Qüdrətova Milli.Az